റിപ്പോര്ട്ടര് മെഗാ പ്രീപോള് സര്വ്വെ: എല്ഡിഎഫ് വിയര്ക്കും, ആലത്തൂരില് ഇത്തവണയും യുഡിഎഫ്

ആലത്തൂരില് കഴിഞ്ഞ തവണ രമ്യാ ഹരിദാസ് നേടിയ അട്ടിമറി വിജയം ഇത്തവണയും ആവര്ത്തിക്കുമെന്ന് റിപ്പോര്ട്ടര് മെഗാ പ്രീപോള് സര്വ്വെ. മണ്ഡലം തിരിച്ചുപിടിക്കാമെന്ന് കണക്കുകൂട്ടുന്ന എല്ഡിഎഫിന് നിരാശയാണ് സര്വ്വെ പ്രവചിക്കുന്നത്. സര്വ്വെയില് പങ്കെടുത്ത 46 ശതമാനം ആളുകള് യുഡിഎഫ് വിജയം ആഗ്രഹിച്ചപ്പോള് 43 ശതമാനം ആളുകളാണ് എല്ഡിഎഫിനൊപ്പം നിന്നത്. ബിജെപി വിജയിക്കുമെന്ന് 11 ശതമാനം ആളുകള് അഭിപ്രായപ്പെട്ടപ്പോള് അറിയില്ലെന്ന് ആരും പറഞ്ഞില്ല. 2024 ജനുവരി 28 മുതല് ഫെബ്രുവരി എട്ട് വരെയുള്ള ജനാഭിപ്രായങ്ങളാണ് സര്വ്വെയില് ഉള്ക്കൊള്ളിച്ചിരിക്കുന്നത്. കണ്ണൂര് ലോക്സഭാ മണ്ഡലത്തിലെ 19,223 വോട്ടര്മാര് പങ്കാളികളായ സാമ്പിള് സര്വ്വെയിലൂടെയാണ് മണ്ഡലത്തിലെ ജനങ്ങളുടെ അഭിപ്രായം ക്രോഡീകരിച്ചിരിക്കുന്നത്.

സിറ്റിങ് എംപിയായ രമ്യാ ഹരിദാസിന്റെ പ്രവര്ത്തനം സംബന്ധിച്ച ചോദ്യത്തിന് ശരാശരിയെന്നാണ് 44.3 ശതമാനം ആളുകള് അഭിപ്രായപ്പെട്ടത്. മികച്ചതെന്ന് 25 ശതമാനവും വളരെ മികച്ചതെന്ന് 12.4 ശതമാനം ആളുകളും പ്രതികരിച്ചു. 8.9 ശതമാനം ആളുകളാണ് എംപിയുടെ പ്രവര്ത്തനം മോശമാണെന്ന് അഭിപ്രായപ്പെട്ടത്. വളരെ മോശമെന്ന് 7.4 ശതമാവും അറിയില്ല അല്ലെങ്കില് അഭിപ്രായമില്ലെന്ന് 2 ശതമാനം ആളുകളും സര്വ്വെയില് അഭിപ്രായം രേഖപ്പെടുത്തി.

പിണറായി സര്ക്കാരിന്റെ പ്രവര്ത്തനം ശരാശരിയെന്നാണ് ആലത്തൂരില് സര്വ്വെയില് പങ്കെടുത്ത ഭൂരിഭാഗം ആളുകളും പ്രതികരിച്ചത്. 36.9 ശതമാനം ആളുകളാണ് ശരാശരിയെന്ന് അഭിപ്രായപ്പെട്ടത്. മോശമെന്ന് 23.9 ശതമാനവും വളരെ മോശമെന്ന് 19.8 ശതമാനവും അഭിപ്രായപ്പെട്ടു. പിണറായി ഭരണം മികച്ചതെന്ന് 13.9 ശതമാനം പേര് പറഞ്ഞപ്പോള് 4.8 പേര് മാത്രമാണ് വളരെ മികച്ചതെന്ന് അഭിപ്രായപ്പെട്ടത്. അറിയില്ലെന്ന് സര്വ്വെയില് പങ്കെടുത്ത 0.7 ശതമാനം പേരും പ്രതികരിച്ചു.

രണ്ടാം പിണറായി സര്ക്കാരിന്റെ പ്രവര്ത്തനം ഒന്നാം പിണറായി സര്ക്കാരിന്റെ പ്രവര്ത്തനത്തേക്കാള് മോശമായെന്നാണ് ആലത്തൂരിലെ ഭൂരിഭാഗം ആളുകളും പറയുന്നത്. സര്വ്വെയില് പങ്കെടുത്ത 66.3 ശതമാനം പേരാണ് രണ്ടാം പിണറായി സര്ക്കാരിന്റെ പ്രകടനം മോശമെന്ന് പറഞ്ഞത്. ഒരു പോലെയാണെന്ന് 24.3 ശതമാനം ആളുകളും മെച്ചപ്പെട്ടെന്ന് 8 ശതമാനം ആളുകളും പറഞ്ഞു. അറിയില്ലെന്നാണ് 1.4 ശതമാനം പേര് പറഞ്ഞത്.

അതേസമയം സംസ്ഥാനത്തെ പ്രതിപക്ഷത്തിന്റെ പ്രവര്ത്തനം ശരാശരിയെന്നാണ് ആലത്തൂരിലെ 40 ശതമാനം ആളുകളും പറഞ്ഞത്. സര്വ്വെയില് പങ്കെടുത്ത 22 ശതമാനം ആളുകള് അഭിപ്രായപ്പെട്ടത് പ്രതിപക്ഷത്തിന്റെ പ്രവര്ത്തനം മോശമെന്നാണ്. വളരെ മോശമെന്ന് 13.1 ശതമാനവും മികച്ചതെന്ന് 18.7 ശതമാനവും അഭിപ്രായപ്പെട്ടു. 3 ശതമാനം ആളുകള് മാത്രമാണ് പ്രതിപക്ഷത്തിന്റെ പ്രവര്ത്തനം വളരെ മികച്ചതെന്ന് പറഞ്ഞത്. അറിയില്ലെന്ന് 3.2 ശതമാനം ആളുകളും സര്വ്വെയില് അഭിപ്രായപ്പെട്ടു.

ലോക്സഭാ തിരഞ്ഞെടുപ്പില് കേരളത്തിന്റെ ജനഹിതം അറിയുന്നതിന് വേണ്ടി തയ്യാറാക്കിയതാണ് റിപ്പോര്ട്ടര് മെഗാ പ്രീപോള് സര്വ്വെ. കേരളത്തിലെ 20 ലോക്സഭാ മണ്ഡലങ്ങളിലെയും ജനവികാരം പ്രതിഫലിക്കുന്ന അഭിപ്രായങ്ങള് ക്രോഡീകരിച്ചാണ് റിപ്പോര്ട്ടര് ടിവിയുടെ സര്വ്വെ തയ്യാറാക്കിയിരിക്കുന്നത്. എറണാകുളം മണ്ഡലത്തിലെ ജനങ്ങള് പ്രതികരിച്ച ചോദ്യാവലിയും സര്വ്വെയില് പങ്കെടുത്തവരുടെ അഭിപ്രായങ്ങളും വിശദമായി താഴെ വായിക്കാം.

1. നിങ്ങളുടെ പാർലമെൻറംഗത്തിൻ്റെ (എംപിയുടെ) പേര് അറിയാമോ?

അറിയാം: 97.2 %

അറിയില്ല: 2.8%

2. നിങ്ങളുടെ ലോക്സഭാംഗത്തിൻ്റെ (എംപിയുടെ) പ്രവർത്തനത്തെ എങ്ങനെ വിലയിരുത്തുന്നു?

വളരെ മികച്ചത്: 12.4%

മികച്ചത്: 25.0 %

ശരാശരി: 44.3%

മോശം: 8.9%

വളരെ മോശം: 7.4%

അറിയില്ല / അഭിപ്രായമില്ല: 2.0%

3. വരാൻ പോകുന്ന പാർലമെൻറ് തിരഞ്ഞെടുപ്പിൽ താങ്കൾ വോട്ട് രേഖപ്പെടുമ്പോൾ പ്രധാനപ്പെട്ട വിഷയമായി കണക്കാക്കുന്നത് എന്തായിരിക്കും?

സ്ഥാനാർത്ഥിയുടെ വ്യക്തിത്വം: 14.8%

അയോധ്യ ക്ഷേത്ര നിർമ്മാണം: 3.1%

വികസന പ്രവർത്തനങ്ങൾ: 32.6%

അഴിമതി: 7.4%

വിലക്കയറ്റം: 22.0%

തൊഴിലില്ലായ്മ: 12.8%

രാജ്യസുരക്ഷ: 5.7%

അറിയില്ല: 1.6%

4. ഈ തിരഞ്ഞെടുപ്പിന് ശേഷം പ്രധാനമന്ത്രിയായി ആരെയാണ് താങ്കൾ ആഗ്രഹിക്കുന്നത്?

രാഹുൽ ഗാന്ധി: 45.4%

നരേന്ദ്ര മോദി: 24.6%

മല്ലികാർജ്ജുൻ ഖർഗേ: 3.3%

ശശി തരൂർ: 7.6%

നിതീഷ് കുമാർ: 0%

കെജ്രിവാൾ: 11.7%

മമതാ ബാനർജി: 3.9%

അറിയില്ല: 3.5%

5. കേന്ദ്രത്തിലെ മോദി സർക്കാരിനെ കുറിച്ച് നിങ്ങളുടെ അഭിപ്രായം എന്താണ്?

വളരെ മികച്ചത്: 15.4%

മികച്ചത്: 21.9%

ശരാശരി: 30.0%

മോശം: 22.8%

വളരെ മോശം: 9.4%

അറിയില്ല / അഭിപ്രായമില്ല: 0.5%

6. കേരളത്തിലെ പിണറായി സർക്കാരിനെ കുറിച്ച് നിങ്ങളുടെ അഭിപ്രായം എന്താണ്?

വളരെ മികച്ചത്: 4.8%

മികച്ചത്: 13.9%

ശരാശരി: 36.9%

മോശം: 23.9%

വളരെ മോശം: 19.8%

അറിയില്ല: 0.7%

7. ഒന്നാം പിണറായി സർക്കാരുമായി താരതമ്യം ചെയ്യുമ്പോൾ രണ്ടാം പിണറായി സർക്കാരിൻ്റെ പ്രകടനത്തെ താങ്കൾ എങ്ങനെ വിലയിരുത്തുന്നു?

മെച്ചപ്പെട്ടു: 8.0 %

ഒരു പോലെ: 24.3%

മോശമായി: 66.3%

അറിയില്ല: 1.4%

8. കേരളത്തിലെ പ്രതിപക്ഷത്തിൻ്റെ പ്രവർത്തനത്തെ കുറിച്ചുള്ള അഭിപ്രായം എന്താണ്?

വളരെ മികച്ചത്: 3.0%

മികച്ചത്: 18.7%

ശരാശരി: 40%

മോശം: 22%

വളരെ മോശം: 13.1%

അറിയില്ല: 3.2%

9. അടുത്തിടെ മുഖ്യമന്ത്രിയും മന്ത്രിമാരും ബസ്സിൽ സഞ്ചരിച്ച് നടത്തിയ നവകേരള സദസ്സിനെ കുറിച്ചുള്ള അഭിപ്രായം എന്താണ്?

ആവശ്യമായിരുന്നു: 19.8%

ആവശ്യമായിരുന്നില്ല: 78.5%

അറിയില്ല: 1.7%

10. നമ്മുടെ സംസ്ഥാനത്തിന് സാമ്പത്തിക പ്രതിസന്ധി ഉണ്ട് എന്നാണ് വിലയിരുത്തൽ. കേരളത്തിൻ്റെ സാമ്പത്തിക ബുദ്ധിമുട്ടുകൾക്ക് കാരണം എന്താണ് എന്നാണ് താങ്കളുടെ വിലയിരുത്തൽ?

സംസ്ഥാന സർക്കാരിൻ്റെ പരാജയം: 53.9%

കേന്ദ്ര സർക്കാർ നയങ്ങൾ: 39.1%

അറിയില്ല: 7.0%

11. ഇഡി, സിബിഐ പോലെയുള്ള കേന്ദ്രാന്വേഷണ ഏജൻസികളെ ഉപയോഗിച്ച് കേന്ദ്ര സർക്കാർ രാഷ്ട്രീയ വൈരാഗ്യം തീർക്കുന്നു എന്ന് നിങ്ങൾ കരുതുന്നുണ്ടോ?

ഉണ്ട്: 30.7%

ഇല്ല: 51.1%

അറിയില്ല: 18.2%

12. പ്രതിപക്ഷ പാർട്ടികൾ ഇന്ത്യ മുന്നണി എന്ന ഒരു രാഷ്ട്രീയ സഖ്യം രൂപീകരിച്ചിട്ടുള്ളതായി അറിയാമല്ലോ, നിലവിലെ സാഹചര്യത്തിൽ ഇന്ത്യ മുന്നണിയുടെ സാധ്യതയെ കുറിച്ച് എന്താണ് നിങ്ങളുടെ വിലയിരുത്തൽ?

വലിയ നേട്ടമുണ്ടാക്കും: 6.7%

മെച്ചപ്പെട്ട പ്രകടനം: 20.4 %

ഒരു മാറ്റവും ഉണ്ടാക്കില്ല: 50.9 %

നിലവിലേതിനേക്കാൾ മോശമായി: 16.1%

വളരെ വലിയ നഷ്ടമുണ്ടാക്കും:5.6 %

അറിയില്ല: 0.3%

13. ഇപ്പോൾ നിയമസഭ തിരഞ്ഞെടുപ്പ് നടന്നാൽ ആര് മുഖ്യമന്ത്രിയാവണം എന്നാണ് നിങ്ങളുടെ ആഗ്രഹം?

ശശി തരൂർ: 10.9%

കെ.കെ ഷൈലജ: 21.5%

പിണറായി വിജയൻ: 17.2%

വി.ഡി. സതീശൻ: 22.0%

സുരേഷ് ഗോപി: 11.3%

രമേശ് ചെന്നിത്തല: 5.0%

കെ. സുധാകരൻ: 1.9%

കെ. സുരേന്ദ്രൻ: 5.2%

കെ സി വേണുഗോപാൽ: 1.5%

എം വി ഗോവിന്ദൻ:1.7 %

അറിയില്ല: 1.8%

14. ഈ വരുന്ന ലോക്സഭാ തിരഞ്ഞെടുപ്പിൽ നിങ്ങളുടെ മണ്ഡലത്തിൽ ഏത് പാർട്ടി / മുന്നണി വിജയിക്കണം എന്നാണ് നിങ്ങൾ ആഗ്രഹിക്കുന്നത്?

യു ഡി എഫ്: 46%

എൽ ഡി എഫ്: 43%

ബി ജെ പി: 11%

അറിയില്ല: 0%